لمّا كِنْت تحِبّنيوتِسْهَر وتفَصِّللي ألوان القَمَرْ

لمّا كِنتْ تْحِبّني
وتِسْتَرْسِل وتْمَلّي الأوضة وَرْد وشَجَرْ

لمّا كِنت تحِبّني
ودايِخْ فيّي وَحْدي مِن كِلّ البَشَرْ

وأنا كِنت الأميرَة الكَبيرَة والصَغيرَة

شو اللي عْمِلْتو مبارح
تا واعي مِسْتَغْرِب وما عِندَك خَبَر...

وِجَّك ولَّا القَمَرْ؟

2

بْتوعِد وما بْتوفي

بْتوعد وما بْتوفي
وهاي قصَصْ معروفة
بْقلَّك يا عَمّي بَدّي شوف
بِتْقِلّلي شوفي
وما بشوف ما بشوف
ومِش أنا ما بشوف
تعبانة مِنَّك تعبانة
ولاه قَدِّرْلي ظروفي

بْتسْكُت وما بْتِحْكي
ومْشَغِّلّلي هالعلكة
بْقِلَّك يا عمّي رَح موت
بِتْقِلّي مُوتي