التعليقات

• منذ 13 سنة مجهول :
  ‫سورية بالسبعينات والثمانينات
  ‫سورية بالسبعينات والثمانينات كان الوضع فيها معقول رغم الحصار صح وكانت كل الدول المحيطة بها تعتبر جنة بالنسبة للسوريين أما الآن بعد عقدين من الزمن سورية مقارنة مع الجنات السابقة أكثر من مقبول ...شو رأيك زاد عنا مليون ونصف عراقي ولسه الوضع معقول وبراهنك ب 2 مليون غيرهم لا سمح الله ورح يضل الوضع مقبول واذا ما قورن بما حولنا كما ذكرت سابقا فهو جيد
• منذ 13 سنة مجهول :
  ‫حبيب القلب..
  ‫سوريا في السبعينات و حتى الثمانينات أيام الحصار الاقتصادي كان الوضع فيها معقول وأنا بحكي عن الطبقة الوسطى حصرا,لانه هي عماد أي نظام كان حتى عند الانظمة الرأسمالية,يعني كان الموظف ممكن يوفّر من راتبه يا عيني,وكان الطبيب بيشتغل يا قلبي,وكان الصيدلي الناس بتحسده يا روحي,وكان الفلاّح في الجزيرة بيزرعله كم موسم بالسنة و بيحط بجيبته كم مليون,و كان هاد كله و سوريا بجنب اسرائيل,ويمكن كنا بوضع متوتر اكتر من هلق,لو بتعرف كم سوري برا سوريا تاركين أهلهم كرمال لقمة الخبز, بتعرف كم سوري ناطرين وظيفة و مستعدين يبيعوا تيابهم حتى يرشوا شخص ما ليتوظفوا؟ بتعرف كم عامل سوري مات بلبنان وهو تارك أهله كرمال لقمة الخبز؟,شوف مصر,شوف تونس ,مع انهن مع أميركا لكن أوضاهم متل ما بتعرف و بعرف, وغيرهم كتير متل الأردن و غيرو ,الواقع شي و التنظير شي تاني.
• منذ 13 سنة مجهول :
  ‫2 او تكون حيادي وحيادي بهيك
  ‫2 او تكون حيادي وحيادي بهيك منطقة يعني اقل من السنيورة بدرجة وهدا الشي ما منقبلو ... يا رجل سورية ما فيها تشتري قطع غيار طيارات مدنية .. اذا حابب يكون راتبك عالي وتعيش مكنة او رقم بدون هوية وكرامة ما حدا رادك اوروبا بانتظارك واذا كنت حابب تضل سوري وعربي بدنا اول شي نخلص من هالجرثومة بفلسطين وهدا الشي ما بيجي عن طريق النت بدو رجال ... والرجال ما تخاف موجودة وعم تشتغل
• منذ 13 سنة مجهول :
  ‫الى سامي السوري ... بس تكون
  ‫الى سامي السوري ... بس تكون سوريا جنب اليابان او فرنسا او كندا بتعرف ليش وقتها بيكون في تعليم وصحة ووظائف ورواتب عالية وادارة ممتازة .. في فساد ما منختلف .. فيك تذكرلي بلد شرق اوسطي عندو امكانات سورية ووضع الرواتب والمعيشة والصحة واللذي منو افضل من سوريا ... كي تكون متقدما عليك اما ان تكون بعيدا عن الكيان الصهيوني او ذيلا لاميركا ..يتبع
• منذ 13 سنة مجهول :
  ‫اذا كان الرئيس عم يشرف بلده
  ‫اذا كان الرئيس عم يشرف بلده ويدعم المقاومة وبتشوفو الناس معها بالشارع أو بالمطعم وبدون حواجز , واذا كان بكل طلاته الاعلامية كلامو موزون ومدروس وينم عن فهم كبير للسياسة و بكل المؤتمرات بيحكي متل ما بيحكي اي مواطن بالنسبة الك لغة خشبية قديمة شو بتكون اللغة اللي بدك ياها فيك تفهمنا يا فهيم
• منذ 13 سنة مجهول :
  ‫وسيستمر في تعليم الآخرين رضيت
  ‫وسيستمر في تعليم الآخرين رضيت أو لم ترضَ للناس ذاكرة وذاكرة الناس تعرف الجيد من السيء والسيء لك قد يكون جيدا لملايين من الناس ولما الملايين (اي الملايين) بتخنار انت بتقعد عجنب ما رح قلك ما تحكي لأنو عندك حرية الكلام بس نحنا عنا حرية الخيار ونحنا اخترنا الأسد عجبك أو ما عجبك
• منذ 13 سنة مجهول مجهول:
  ‫كائنا من كنت يا صديقي صاحب
  ‫كائنا من كنت يا صديقي صاحب التعليق الاول فإن الأسد يحق له ان يعلم الآخرين لأنه كما شاهدنا الأمس في تونس هذا النظام الهش البالي الذي تشبههه اكثرية الانظمة العربية يستحق التعليم .أضعف الايمان يجب على الاسد ان يعلم الانظمة كيف تقول : لا لا لأمريكا و لا لاسرائيل و لا و ألف لا للطعن في ظهر حركات التحرر و المقاومة
• منذ 13 سنة مجهول :
  ‫رئيسنا منحبو ولكن..
  ‫طالما كانت السياسة الخارجية السورية قائمة على اساس قضية فلسطين,بتفتح التلفزيون بتلاقي اول خبر عن فلسطين,نفس الوضع ب الجرايد السورية,قضية فلسطين عا راسنا ,لكن الشعب السوري في وضع لا يحسد عليه,في بطالة كبيرة و فرص العمل قليلة اذا مو نادرة,الضرايب عم بتزيد و الرواتب ما في تناسب بينها و بين غلاء المعيشة الحالي و لا من 15 سنة ايضا,رئيسنا منحبه و نحنا اللي اخترناه كرمال حبنا ووفائنا ل ابوه,لكن يا ابو حافظ دير بالك من اللي ممكن يغالطوك كمان,متل ما تغالط غيرك في غير بلد,تخيلوا يا جماعة انه راتب موظف من الدرجة الاولى في سوريا في اول سلم الوظيفة هو حوالي 200دولار؟؟؟؟؟؟؟؟كرمال الله بس كيف راح يستقر هيك انسان ؟ويتجوز يأسس ل أسرة كريمة,في رؤوس للفساد بسوريا و كل الناس بتعرفها ما في شي مخبى,و فهمكن كفاية .
• منذ 13 سنة مجهول :
  ‫ما زال الأسد يردد الخطاب
  ‫ما زال الأسد يردد الخطاب الخشبي البالي ذاته... تصور يا رعاك الله!!!! رغم كل ما حصل ويحصل في تونس، في ليبيا، في الجزائر، في الأردن.... فإن الرئيس السوري يستمر في الأستذة وتعليم الآخرين ما يجب فعله وما لا يجب فعله... كفى صمتأ، والحبل ع الجرار...