يا عرب... يا عرب... يا عرب في أي مصر يا عرب... يا عرب... اسمعوا صوت شعب مصر
احفظوا لمصر المكان... واحنا عالعهد اللي كان
مصر أوفى من الزمان...
وانتو عارفين شعب مصر
يا عرب يا عرب يا أهل مصر
■ ■ ■
اللي خانوا العهد بينا... واستباحوا كل حاجة
واستهانوا بالعروبة... واستكانوا للخواجة
مستحيل حيكونوا منا... نحنا حاجة وهمّا حاجة
همّا باعوا الجلابية... والوطن والبندقية
واحنا أصحاب القضية...
احنا ما بنبيعش مصر
يا عرب يا عرب يا أهل مصر
■ ■ ■
يطلع الدجال بزيفو... يملا وادي النيل ضباب
ينزل الجلاد بسيفو... يزرع الموت والخراب
يطول الليل زي كيفو... الصباح له ألف باب
واحنا بوصلتنا بإيدينا... ما تخافوش من الليل علينا
مهما غبتوا عن عينينا...
انتو جوّا بقلب مصر
يا عرب يا عرب يا أهل مصر
■ ■ ■
سينا ولا... يافا ولا... حيفا ولا... دير ياسين
اسألوا الشمس اللي هالة... عللي صحيوا مبدرين
يزرعوها نور وغلّة... دول جدودنا ولا مين؟
حقنا وحتماً يُعاد... بس لو بانت سعاد
والبيان ده لوه معاد...
والمعاد حيكون في مصر
يا عرب يا عرب يا أهل مصر
5 تعليق
التعليقات
-
البيان رقم واحانتو فين يلشباب مصر احنا مستينين البيان رقم واحد دا طول علينا لكن حيقى اكيد من ثلاثين سنه نستنى البيلن المجيد مش حنادار نستنى يعد و الجمعه دا يوم عيد بيولو الجمعه يو الرحيل واحنا نقول الجمعه حيكون احلى عيد يلى يمصر شدى الحيل مباش للضم غير حبل الوريد يلا نقطع الحبل و نخلى يسيل دم الشهيد
-
كنت اعتقدعدت الى المراهقة حيث كنت أمن بالشيخ امام و احمد فؤاد نجم و بثورتهم و بعد الشباب اعتقدت انه كلام و ها انا اعود الى المراهقة و عدت أمن بهم
-
فينكفينك د الزمن زمنك عاوزين نشوفك بين الناس و في الميادين انتهى زمن المقاهي و المنابر فميدان التحرير هومنبر كل العرب الآن
-
اشتقنالك يا مناضلاشتقنالك يا مناضل
-
تنحي!يجب على احمد فؤاد نجم ان يتنحى عن منصبه ايضا، فهو احتكر سلطة الفقر والسجن والشعر والحب لاكثر من 75 عاما.